قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

اليوم الصبح كنت اعاني من الزهق وانا قاعد بالمكتب ... فا شغلت التلفزيون وعملت رحله على المحطات الفضائية

فيه اغاني بتعرفش شو بحكو وفيه استخدام للحم الرخيص وللجسد بالتسويق لمحطات رديئة البث والمضمون

ولكن اكثر اشي استفزني اتصال على قناة الاقصي

المتصل بحكي للمذيع انو انتو بتحاربو برام الله ومابصير هل حكي ... انا هون ما بايد ولا بعارض ولا بعطي رائ

بس انا استغربت من جواب المذيع الي احتد وحكا نحن نفتخر بالحرب ضد رام الله والاعداء برام الله والخونة

وبهدل المتصل ومهندس الصوت كيف سمح لهيك انسان( خارج عن المنطق ) ومخالف للامة بالاتصال ؟؟؟

وبحكي انو متاكد نو راي شاذ من الامه ... اذا اعتبرنا المتصل من الامة اصلا

يا مذيع مين اعطاك حق تقرير راي الامة ؟؟ وليش لازم يكون ارائنا واحده فيه وجهات نظر اذا حبينا او ما حبينا

لازم نسمعها ... معنا او ضدنا

الطرف التاني تلفزيون فلسطين اكيد مش اصلح بالتفكير اذا مش منيل بستين نيله اكتر ... حماس بتمنع الفتحاوين من السفر قبل

اطلاق اسرى حماس ؟؟

وفتح بتفرجشش عنهم قبل اطلاق اسراها ؟؟؟ من سجون عزة ؟ وكل واحد شاكك بالثاني ومفكر هو المنيح والتني العاطل

فتح وحماس مين اعطاكم الحق انو تحتكرو فلسطين الكم ؟؟؟ مين اعطاكم حق تهميشنا ,,, احنا كعرب وملسمين ومسيحين

ومن ايمتا قضية فلسطين قضيه حكر على حدا ... قضية فلسطين لازم تكون قضية عالمية مش اتاقلموها لمصالحكم ...

كل من قرب السياسيه اتسخ ... هلا الي بحكمو بغزة ورام الله مبتدئين بالسياسيه ممكن بعضهم يتصرف بنية خير ...

بس السياسه ما بتندار هيك ... السياسيه موهبه

فتح وحماس تنحو عنا خنقتو وفضحتونا وخزيتونا

" الله يرحم الشيخ احمد ياسين وياسر عرفات" , كل واحد مفكر انو هو صاحب الفضيله ولاثنين انيل من بعض


انا ما بهاجم حدا ولا بعترض على فكر حدا بهل موضوع طبعا الي رائي الشخصي فيهم بس برضو مش معبر عنو هون

7 التعليقات:

مش عارفه ايمتا بدنا نصحى و نبطل ننهش ببعض و نعرف او نعترف بالعدو الحقيقي :$

هالمشاكل هاي لايمتا راح تضل؟؟ ولايمتا بدنا نضل نقتل ونحارب بعض مش عارفه وتاركين الاعداء يتفرجو علينا....

الطمع ... والرغبة بالسلطه سوستنا
الله بعين

عن جد معك حق يعني احنا كلنا او اغلبنا وقفنا مع حماس وقت الحرب و كان موقف فتح بخزي
بس بكفي عن جد صارت القضية حماس او فتح غزة او رام الله

يعني اختصروا دم الشهدا كلهم بمانشيتات بسبول فيها على بعض

عن جد مسخرة

احنا وقفنا مع غزة ... ممكن احنا عشان مو حماس وفتح عارفين عدونا مافي شي مغطي عى عينينا ... عارفين انو اليهود شو بدهم وعارفين مين السوسه ... بس هم قززونا وهم بتهبلو وداقين ببعض ... بدهم حدا يصحيهم ... يعني اغتالو الشيخ احمد ياسين واغتالو عرفات عشان يدقو الاثنين ببعض

اصلا هاي التعليقات ما تستبعد يكون من اصحاب الموقع اللي ناشرينها حتى يستفزوا الناس .... ليزيدوا من المشاركات وحدّتها

كلها تجاره لا حريه رأي ولا بطيخ

معك حق بس عفكرة ... مبين انو مش عشان الزيارات لانو مو ناقصو تمويل وانا كنت قاصد بصراحه موقع العربيه نت

أزال المؤلف هذا التعليق.

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية