قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

قرف هي الحياة
الحياة وجهات نظر وزي ما بنشوفها وحسب نفسيتنا لم نبلش يومنا بنصنفها , بس مرات قرف بجد :( , امبارح الي عدى - كانو مبارح بدو يجي بكرة - كنت بمحل حلويات كبير واسمو منيح وبدي اسئل عن الكنافة وفية عامل توصيل واقف جنب الكنافة وبحك وبعطس عليها - زي كانو عندو انفلونزا الخنازير - ولا حدا مطلع ولا معدل اشي مقرف ... قبل فترة صديق النا اتخالف وقفو الشرطي وعليك مخالفة بس شاف اسم عيلتو قلو مش مشكله قرابه وتركو بسبيلو بالله جد وليش يعني *!@#*@#$!@&$*))$#!*& -وافهموها ... قبل فترة بهية تنشبط الاستثمار كنا شغالين عمشروع لشركة عربيه بدها تفتح بالاردن وتم تعقيد القصه واجتماعات وخزعبلات وصعبه ومش عارف ايش وقصص فاضية طلع بالاخر عشان تدفع عشان تمشي من العند الموظف ... يعني البلد من كتر الشغل بتعطل شغل العالم عشان اكم ليرة روح يا بعيد ...سيارة ماشية بنص الطريق وعامله ازمة وماشية اقل من مهلها ومش مخليه حدا يتجاوز عنها ليش؟؟؟ لا نو ببساطه سيارة حكومية وبطلعلها وسيارة شو سيارة زباله ... طبعا بغض النظر عن التخصص انا سيارة حكومية وسعري بسعر المرسيدس ... وبتنحرق من الشمس الحر الايام هاي ... واذا شافك واحد من صحابك بسئلك مالك قرفان ؟؟؟
بتجاوبو ببساطه
هيك حيونه

11 التعليقات:

غير معرف يقول... 21 أغسطس 2009 في 12:39 ص  

رمضان وانت كريم يا بكتيريا البلوج سفير
صحيح هي البكتيريا بتصوم
:D
ما توجع راسك,تخلي هيك قصص تضل تلف فيه .. انو عادي يعني لو بدنا نضل نحسب الدنيا

بس ممكن طلب !
الله يخليك تكبر الخط والله انحولت
:P
عفكرة مش طلعت البكتيريا كتير مهمة اصلا لولاها كان متنا زمان
وما اكلنا لبن

مالك مالك ؟؟؟
وبتعلق عندي انك بدك تسافر عفرنسا و ايطاليا :)
شوووووووووو غيرت رأيك وضليت بالبلد بشوف :)

ضحكت لقلت بس على سياره حكوميه وطلعت سياره زباله ههههههههههههههههههه
معلش الله بعين شو بدك تعمل...
كل عام وانت بخير و الله يتقبل الطاعات

لا تنسى الليله في صلاه تراويح :)

eNAS
رمضان كريم ...اه البكتريا الاسلامية بتصوم لانو احنا مجتمعات ... بتموني بكبر الخط ولو ... عفكرة ولا شو مفكرتينا احنا البكتريا سهلين احنا الي بنجيب وجع اسنان واحنا الي بنعمل كل اشي منيح كمان :D
Whisper
رمضان كريم وكل سنه وانتي سالمه وينعاد علينا وعليكي يارب بكل خير
اليوم سفري عفرنسا بعرفش وين فيه مسجد حد برج ايفل...
بخصوص شو بدي اعمل بتشوفي بس ارجع من فرنسا

ول .........هاي من الاخر
عن جد ازبهلال
:)
بس مالها سيارة الزبالة على الاقل مفيدة مش زي سيارات حكومية و ما الها و لا اللي جواتها فايدة
رمضان كريم :)

غير معرف يقول... 21 أغسطس 2009 في 1:40 م  

يا سلااام أي هاا هيك اشي بجنن صار .. فعلا شكرا بكتيريانوو , والله انك بكتيريا زوق ليش الحكي يا عمي

طبعا رجعت قرأت البوست مرة تانية .. وفهمتة منيح .. طلعت المرة الاولى فهمانة الوضع غلط
:P
بس عارف ايش شكلك عامل الخط بولد اعمله ريجيولار احسن .... ههههههه
لا لا بمزح هيك منيح
:D

يلا انا بدي اروح انام مشان اصحى مصحصحى على السحور

رمضان كريم .. الله يجعل فيه الخير والبركة آمين

jafra
هيه مفيدة ومابحكي انتقاص من حقها ... بس برضو مش شرط يتغندر غندرة وقت الازمة ويوقف ربع ساعه جنب الحاوية ... ويمنع الناس تتجاوز عنو ...

eNAS
لا ايناس هاي مش مناحه ... بس انا قلت هسا وهيه معمصه عيونها يمكن يصير يلزمنها نظارة وتطالب بتعويض :D
ما تسوقي فيها مش حغير الخط كمان مرة :P
بمزح معاكي :D

ول، شو مالك قرفان ;)
صح والله..مرات بنصنف اليوم على شعورنا الصبح..أول مرة بنتبهلها هاي.

يا سيدي..كل عام وانت بخير وصحة وسلامة :)

مهما كانت حال السواقة عندكم مش هيكون اوحش مننا

تحياتي للبكتريات كلها

غير معرف يقول... 26 سبتمبر 2009 في 7:59 ص  

katy katy kooo

الله يحمي كل الأطفال

Sharm

بعرف بس لازم نقارن مع الناس عندهم زوق ... زي صديق لبناني بحكيلي سقت ببيروت زي ما بسوق بالاردن صارو يضحكو علي
يعني كلنا العرب اسخم من بعض بالسواقة


guevara-spirit

رفيق جيفار take take toooo عليها حقوق ملكيه
امين الله يحمي الجميع
ويهدي سرهم

سلام

ههههههههههه, اعجبتني جدا طريقتك في التعبير والكتابة

مزوبط هاي الاشياء بتستدعي انك "تقرف"

شو نعمل, لعله خير زي ما قالوها :)

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية