قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

هزاز ذنب

زمان كنت بسئل حالي شو يعني مسيح جوخ ... وليش هل تسية

قبل فترة شفت واحد مسيح جوخ كلاسيكي ... وعرفت اصل التسمية

مدير الشركة دخل من بره على مكتبو ومن بين المكاتب يتقدم شخص بسرعه

يخرج من العدم ويقف امام المدير وبنظرة واثقة ... فيه غبرة عجكيتك يقول – جكيتو جوخ كان -

وبلش يمسح فل الجكيت والمدير ماشي وهو زي الحيوان الاليف وراه بكت جكيتو

وبزبطلو الجرافه انو فيها ميلان ... قبل فترة نفس الشخص مديرو نعتو بلفظ لا يقال

فما كانت منو الاجابه انو اسف , طبعا شخص زي هيك بذل نفسو للكبار وبتفشش بالصغار

ولو يوقع موظف بين ايده بشل املو

وهو اكتر شخص يحاول ان يؤذي الموظفين ... الموظفين بصاحبوه عشان يامنو شرو

بعرفش ليش الناس ببهدلو كرامتهم هيك ؟؟ عشان مصاري عشان بوزشن ؟؟

وبكل وقاحه ... كنا واقفين بره مع الشباب اجا ووقف معنا وصار ينكت ويضحك على نكتو

وسئلني بكل غباء بكتيري شو رايك فيي ...

اطلعت عليه وابتسمت وحكيتلو رأيي فيك ...مع كامل احترامي الك انك زباله ( وقح بعرف )

أذا جعلت من نفسك دودة تمشي على الارض فلا تلم من يدوسك بقدمية

12 التعليقات:

ههههههههههه كل مره بقرأ "مع كامل احترامي الك انك زباله " بحشش

بكرهم هدول الناس كتير, المشكله بكونو مفكرين حالهم فهلويين و مزبطين امورهم مع ان اللي بمسحوله جوخ اكتر واحد بكون مش شايفهم اساسا :$

مهو يا ويسبر ... هو الي كان يمسحلو جوخ كان يقلو ... نماتضلك ملزق عضهري مثل القرادة
اه انا مؤدب :D
مع كامل الاحترام الو

هههههههههه:) والله انك جريء
وانا زي ويسبر كل ما اشوف كلمة زباله بحشش:)

على فكره حلو هاد التصميم بكتيري عالآخــــر:)

والله يا مياسي صاحبي بحكيلي انتا نوري :D
بس الي زي هيك لازم تضبعو من اولها عشان ما يقربكش
لانو لو اعطيتو وجهه ... بصير زي الشمبانزي فوق راسك

ويسبر عزمتنا على مدونتك، فمبارك المدونة وأتمنى لك التوفيق وأن تكون من البكتيريا المفيدة في عالم التدوين=)
رائعة صراحتك أمام مسيح الجوخ ولكن لا أستطيع تخيل هذا الإنسان كما وصفته. أعتقد أنه فقد كثيرا من إنسانيته بهذا الأسلوب!

بالله عليك قلتها هيك مباشرة؟! والله إنك روعة :) نفسي أمتلك الجرأة مرة وأحكي للناس اللي بنفسي...مش ضروري أكون واضحة عالآخر بس يعني يفهموا رأيي فيهم.

كونك فضحتنا المرة الماضية فهي نقوط المدونة الجديدة ..الناشف أحسن بشوفه..هو حدا خسران اشي :)
http://blog.eqla3.com/mkportal/modules/gallery/album/a_17937.jpg

http://blog.eqla3.com/mkportal/modules/gallery/album/a_17937.jpg

Rana Al Sha'bani

ان شاء اللت تعجبك المدونة ... ان شاء الله تعجك زي ماعجبت ويسبر ... الصراحه مرات بتكون جارجه وانا عارف انو تصرف عدائي ... بس افضل وسيله للدفاع الهجوم :)

Dreamy Villager

ان شاء الله بس تكبري بتعرفي وينتا انسب وقت تكوني صريحه بطريقة عدائية ... لانو مو كل وقت لازم تسوي هيك ... يعني لازم تختاري الوقت والشخص المناسب احسن ما يصير الحق عليكي
بخصوص الفضايح ... انتو اهل اربد بتوكلو كيك وبسكوت لحالكم :d

عن جد انو زبالة فوق ما هو زبالة بسال العالم برايهم
برافو عليك بس بعدها شو عمل فيك ؟






( ما بتوقع انو عمل اشي لانو زبالة )

ولا شي حكا للشباب انو صاحبكم مع انو مبين لطيف وهادي بس كتتير عصبي مو زيكم ...
بس بحس كانو كانو كرهني ؟؟ ممكن

وجدت مدونتك عند
whisper
اثار انتباهي اسم قط البكتيريا فجابني الفضول لهون
المهم عندك روح مرحة و كتير عجبتني السخرية الي بتكتب بيها
راح ازورك كتير يا قط البكتيريا

jouhayna

تسلمي ومرحب فيكي باي وقت ... واصلا لولا الماركتينج تبع ويسبر ولا ما كان حدا اجا على المدون :D

غير معرف يقول... 4 ديسمبر 2010 في 1:37 م  

لطيفة جدا في الواقع انا تنزيل على الأرجح. شكرا

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية