قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

يوم الجمعه كان عرس صديق الي ورحنا على الزفة والتقينا بالشباب واحد من الشباب اصر يسلمو تبويس عشان زمان مو شايفنا وتاني اشي عشان العيد - اصلا انا بكره السلام المباوسه - المهم سلمنا وحضرنا العرس وكل واحد راح بسيبلو
بس انا هلاء مفلوز واليوم نفس الشخص بحكي لصاحبي التاني انو اختو كانت مصابة بانفلونزا الخنازير ولسه بمستشفي حمزة وانا هو اشتبهو فيه
بجد زناخه استفدنا من شلطيفك
:(

15 التعليقات:

ههههه بكتيري متطرف أنا رأي انه لازم تفحص
وألله يعينك عالانفلونزا
عفكره امبارح كان أول يوم دوام بالجامعه والكل كان يبوس يعني بالله عليكم شوماله التسليم بالايد

هو انا مش مقتنع بانفلونزا الخنازير فا بدي اجرب بحالي
بعد ما اصحصح 100% بفحص انا هسا الحمد 90%
بعرفش مالو التسليم بالايد , وبس تحكي لواحد بلاش مباوسة بقلك خايف وبصر اكتر

مش عارفة ليش العالم بتحب التبويس على الطالع و النازل
لا بيجوا يسلموا بحرارة و تبويس و بكونوا مو طايقين بعض
تعا شوف عنا بالمدرسة

افحص و ان شاء الله ما في شي ؟ بس لتطمن
على فكرة يعني الموضوع ما بخوف لهالدرجة
بس هي زناخة :)
و طمنا ...

الصراحه حششت على اخر جمله:)

انا كنت سمعت انو في فتوى عالعيد بتقضي بمنع التبويس بس للاسف ما حد طبقها مع اني بكره هالعاده كثير

سلامات :)

أزال المؤلف هذا التعليق.

Jafra
انا متاكد انو نصب واحتيال هل مرض ... بس برضو الوقايه منيحه وانا اساسا بحبش التبويس
انا بحب مثل امريكي بحكي الرديء يسلم دائما :D
مياسي
هون بالاردن ... حتتباس يعني حتتباس يا عباس
ما بحلو عنك الابس يبوسوك ويشربوك قهوة سادة 3 فناجين وبلفين على 200 بني ادم
واذا رفضت بتصير خارج عن العشيرة والا اجماع القومي والوطني

سلامات سلامات
هاد بس علشان تعرف ان حتى قط البكتريا القوي في الفايروس الاقوى منه :)

ان شاء الله بتصحصح 100%

كانت محاولة اغتيال فاشله من الفايروسات
والحمدالله قمعناهم وهينا انا وكريات الدم البيضاء بنحاصر بجيوب المقاومة تبعتهم وبنصفيهم
:D
حاسس زي مسلسل الكرتون الي كان يجي على الاردن تبع جسم الانسان ( نسيت اسمو )

صباح الخير
كان اسمو؟؟؟؟؟؟؟؟؟؟؟ظ
نسيت بس بتزكر المسلسل منيح
على فكرة قط البكتيريا كان بمسلسل رغيف عجيب

looooooooool

بصراحه حركه فعلا بايخه

فراوله فيه ثالجتنا قصدي مدونتنا
طبعا طبعا كنت بمثل فيه بس ماعجبني الرغيف وبطلت

اقصوصه
اه هو بجد بياخه بس الحق مش عليه الحق على الي بصاحبو

wallahi ana b ra2yi its all about
MO2AMARA !! :) o el ba2i 3andak ..
ma feeni azeed 3alli olto
great topics :)
awwal marra bazoor mudawantak but
i liked it !!
mawadee3 muwaffaqa ..
Regards :)

asokte ente ma shofte kol abda3e lesah :D heheheh

sharftena be zyartek ya Farah we yslamo 3ala tshge3k lal kotab el momayazeen zay 7adrte :P

yes ya far7 3am basn3o ab6al men war2 , ma2drna nsna3 ab6al be 7rob we 2adaya mohmeh , 3amlana fatneh we 6al3ana feeh ab6al el kalm

غير معرف يقول... 18 مارس 2010 8:14 م  

يازلمة بتمنى اليوم اللي تنتهي فيه العادة من الاردن .. انا ما بدي ابوس حدا ولا حدا يبوسني __ بقرف والله بقرف _ بس الكل مادد شفايفه وبستنى واذا ما مديت خدك بفكرك متكبر ومتعالي وموضوع اللعاب هدا والجراثيم ما بستوعبه بالمرة ...

غير معروف

بالاردن حتتباس يعني حتتباس , وانا كمان بكره هل عادة خصوصا الناس الي بختمو شفافهم على خدك مفكرين حالهم مارلين منرو بعزها

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية