قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة






اجمل تكاسي عمان

قبل كم يوم كنت رايح من دوار المدينه باتجاه دوارالرابيه ( للمواطنين من خارج عمان يعني عشر دقايق بالازمة ) اشرت لتكسى وقف التكسي ركبت فيه بقلو دوار الرابيه فجاءة بلش الردح ... بطلع فيي انو مش مستعد اطلع هيك مشاوير وانا مش ابن &^&% ولا ابن*&^*^* بقلو مالك بتشوبر وبتحكي هيك
صار يعلي صوتو -( هو عبارة عن شخص صغير الحجم لون بشرته اسمر مع عديد من الامراض الجلدية وشوراب اكبر من وجهو شبه الصرصور بس اديه اطول من الاخر ) - المهم انا شخص شكلي بعطي انطباع انو مؤدب ولطيف ( وكنت الابس بدله رسمي ولابس نظارات بس المظاهر خادعه .
بقلي انا مش مستعد احمل الا من دوار المدينة للجوفة ... بقلو يا سلام اشتغل على سرفيس اذا وريحنا
قال بشتغل عتكسي وبسرفس بمزاجي والي عاجبو عاجبو ولا مش عاجبو قاطعتو وقلتلو مش عاجبني
بقلي انا ابن الوحدات - يعني هو دواوين - بقلو الله يخلليك اياها بقلو سوق الرزق عربنا بطلع فيي بقلي انا طلب زي هيك بوخد فيه 5 ليرات .
بقلو طبعا مهو انتا في نيويورك بقلي نيويورك ولا مش نيويورك انا ابن نزال وبعرف ... بقلو انتا مش عارف مين ابوك عفكرة
بقلو سوق وربنا برزق اطلع علي بقرف بقلي اه ماشي ... بقلو من شوي الله ساخطتك وعامل هيك حالتك
بقلي مالها حالتي انا بشتغل على السكرانين انا ابن ليل وبطلع بنص باليوم 70 دينار لجيبتي
بقلو حدد انتا ابن مين , بقلي انا عشان حبيتك بوصلك بس غير هيك , لا قلتلو لا تحبني ولا بطيخ متفكرنيش ببدله انو حيمشي معي حركات ووصلنا للمنطقة المطلوبة واعطيتو على العداد سب على كل اهلو وجدود وراح
بجد اقرف مشورا بتكسي الي بحياتي

13 التعليقات:

عالجوفه!!
يعني اهل الجوفه دائما بشكو من ان التكاسي ما بترضى تاخدهم هناك... جد زودها هالشوفير

يلااا منيح اللي طلع معه واحد من خرجه علشان يجلّس :)

BTW you have been tagged :D

hello !!
3ala fekra kan feek ta5od raqem el taxi o tetshakka !!
o msh bas ahel el jofeh !! yeee
kol ahel 3amman el taxis betba3'dado o betzana5o o be3malooli feeha enno la2 bednash nwasselkom mshan el azmeh o 7ejaj farta kteeere!! y3ni la sho ebtakaro el taxi eza bedkom tzello el sha3b hek!! nazlo la kol muwaten seyyara o ray7o el shofereyye!!

nice topic :D
best wishes & happy eid

hahahah wallahi eshe befta7 el nefes enno el wa7ad yroo7 m3o
gal we7dat gal hahahaha

المهم انا شخص شكلي بعطي انطباع انو مؤدب ولطيف ( وكنت الابس بدله رسمي ولابس نظارات بس المظاهر خادعه .

ههههههه لا اعتراف حلو المظاهر خداعة

يعني هلا لو نزلت على عمان احمل معي ساطور و اشطب وجهي مشان التكسي يصير مؤدب و يوصلني وين ما بدي ؟؟؟
و بعدين بشكوا من الرزق و الغلا و ضيق اليد اللي بقطعوها و بشحدوا عليها

ويسبر

يلسمو على tag
بخصوص جبل الجوفة صدقيني السايق مش سوي عقليا بجد مهوس بجنون العظمة ممكن بمشي هل حكي مع بعض الناس عشان يكتفو شرو

Farah Batarneh
بعرف ممكن اوخد رقمو وعشان هيك وقفتو عن كشك الشرطه عشان اذا صار شي انكشهم عليه ... وعفكرة كان نفسي يغلط او يعطيني سبب عشان اترفشو

Yazid
اه ابن الوحدات ... بجد انو غريب عفكرة بدو يبين انو دواوين والو على المعارك خخخخخخ

jafra

ليش الحكي ... المظاهر بتخدع وانا مؤدب كتتير بتعامل ( بفرض عحالي هيك عشان ما تطلع سنين من تكوم الكافيين بالدم عراس حدا )
بس اذا بلش الادريانين يمشي بالدم ... بصير زي مستر جيكل ودكتور هايد

هاي من زمان ما زرتنا يا قط البكتيريا والله قطي وكل البكتيريا بسالوا عني اكتر منك
اول شي كل عام وانت بالف خير
وتانيا هاد ولاشي مرة طلعت مع شفير تكسي من بوابة الجامعة الرئيسية للجاردنز يعني العداد يا دوب يطلع دينار وطول الطريق وهو بحكيلي عن الغلاء والاسعار وانا حكيتلوا انو والله الراتب ما بكفي يا عمو ... راح العمو بس وصلنا طفى العداد وقلي دينار و60 شو رايك ...
والله شي بجنن وبتطلع معاه ببلش يحكي ع المرج ما بروح وعلى الحسين ازمة وتلاع العلي ما بعرف شو ومرة نزلني واحد بنص الطريق لانو ما عندو استعداد يرجع من مرج الحمام فاضي بتعرف لانو مرج الحمام ما فيها بشر كلها قبور والله شي بنرفز ...
اعمل متلي وخد قرض وادين من ابوك وامك واشتري سيارة احسن ..... مش تنسى تزورني

Farawlaa
لا بزوركم وبطمن على البكتريا الموجودة عندكم... وبعلق بس على مايبدو يا انو بطلعلوش تعليقاتي يا اما ابصر يمن بشطبهم

عفكرة مرة اخدت تكسي من عند الديونز لدورا الواحه
قال بدو عشرين دينار ... خخخخخ هو العداد كان بطلع 3.5 او 3 بالكتتير
قال بس عشان اخدني طريق مختصر بدو يدفعني عشرين
انا بدي اجيب سيارة بس مش لاقي لهلاء سيفيا هايبرد :(

والله ياصديقي بطلت فارئه وبالنسبه للطوش مع صحاب التكاسي أنا شخصيا بطلت أستحي لمايطلعوعنا عالمنطئه بتحججو انهم بدهم زياده لأنهم برجعو فاضين وفي منهم بسير يتأفف الواحد بالأول بكون يستحي بعدين خلص بتفيض معه ياخيّ

dont you love the taxi drivers in amman??? they are so adorable!!! and well-behaved i must say!!!

eToro صفقات التداول المفتوحة في 227,585,248

تداول من أي مكان وقتك ثمين. تداول من خلال الكمبيوتر أو الجوال أو الكمبيوتر اللوحي

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية