قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

كتتير من الاشخاص بنشوفهم بالايام العادية بتغنو بالوطن والوطنيه وبحطو الشعارات الوطنيه بسيارتهم ... كتتير منهم بشغلو اغاني وطنيه ( مع انو من فترة ما سمعناش اغنية وطنية بجد ) وكتتير من الناس بنتهجو نهج عنصري بتعبريهم عن الوطنية ... بس السؤال هاي هيه الوطنية ؟؟
الوطنية ان تفضل مصلحة الوطن على المصلحة الشخصية , يعني اذا انتا موظف حكومي ومرتشي او موظف حكومي وبتاخر معاملات الناس عشان مصلحة خاصه اذا انتا لست وطني
الوطنية ان تخدم الوطن وتسهر علي مصلحته ... يعني اذا كنت نائب بالبرلمان ونجحت لانك دفعت رشاوي فانت عمرك ما كنت وطني لو شو ما تعمل
الوطنية ان تتقى الله في عملك ... يعني لو كنت رجل اعمال او شخص بشركة وترشي بعض الاشخاص وتساعد على اشاعه الفساد فانت مش وطني
اتوقع انو الوطنية عند عديد من الاشخاص مصالح فردية وعشائرية يعني ما بزبط تكون وطني ولو صار اشي لواحد من عشيرتك تروح تتكتل مع عشيرتك ضد القانون المفروض فينا انو ندعم دولة القانون
ولو كنت شرطي ما تشتغل سلطتك لاذى الناس لانك تشوه القانون ... كتتير من الناس فاهمين الوطنيه غلط ومفكرين الوطن بس اسم وبعضهم وزارء ونواب وموظفين مهمين بالحكومة


عفكرة بجد من زمان ما سمعنا اغنية وطنيه ؟؟؟ كلهم عن الجيش طبعا مع احترامي للجيش بس لازم يكون اشي وطني بمستوي اغاني فيرزو زي اردن ارض العزم

تحية لكل وطني ولكل شريف يقدر هذا البلد ويعشق هذه الامة ... تحية فقط لمن يستحق التحيه

15 التعليقات:

يا خي هاي الشغلة بتقهرني انا كمان, في ناس بتفكر اذا انت ما بتحب هاي الأغاني ولا ما بتحب عمر العبدللات ولا غيرو من مغنيي الجيش والشرطة والدفاع الدني فمعناها انت ما بتحب الأردن وانت غير وطني, هل الوطنية مرتبطة بأغنية؟؟؟ طبعا لأ الوطنية هي انك تبذل المستحيل عشان وطنك ونك تكون مستعد تضحي من أجلو وانك تعمل لانو بلدك يكون الأفضل بين كل البلدان

3omar 3l 3abdallat eza ma bet7ebbo then you're msh watani lol exactly Ahmad you hit the point
its about us, betla2i 7atet 3alam 2ad raso 3al sayyara o sooret el malek mn wara o besma3 3omar el 3abdallat o jeshana o msh 3aref sho 3thamo tet66ag6ag o bertashi o wastat o la3en 3ard el balad... bs watani lol!

Ahmad Hamdan
مهاي المشكلة صارت الوطنية موضه يعني بتلاقيه مرتشي ومتهرب من الضريبه وعامل السبعه وذمتها بالبلد وبيجي يحاضر عن الوطنيه ؟؟؟
طيب حب البلد واعتبرو بيتك واهتم فيه عشان يقدر يتطور ؟؟؟
لا عيب بشغل اغاني وبوطي السيفيا وبحط فيها سيستم وبفيع يعني صرت وطني

Yazid

يزيد بجد مافي عنا اغاني وطنيه احنا الاغنية الوطنيه متعبه مش تركيب كلام بس ... يعني زي ما حكا احمد مش اذا محبيتش عمر العبدلات بطلت وطني ؟؟
طيب شوف الاغاني والاناشيد الوطنية الي زمان شوف نشيد موطني لهلاء عايش وبتنغني فيه
شوف الاغاني المصرية القديمة الوطنية حتي الجديدة ( مع انو القديمة بحبها اكتر ) بتلاقي فيها تغزل بالبلد وحب البلد
هون بس عشان ينعرض ويتوزع بساعة زمن بكتب قصيدة وبلحنها وبغنيها
وبتحول من مغني نايت كلابات لايقونة وطنيه
وا عجبي

يا ويلي اذا حكيت اني ما فهمت ولا كلمه من اغنيه متعب الصقّار ....اذا انتي ما بتحبي البلد و بتتكبري على اهلها :$
كيف هيك وصللهم مش فاهمه O_o


مشكله الاغلبيه العظمى عنا بالبلد ان مبادئها بتتغير بتغير الظروف

يعني بنادو بشي و عند ما يحتاجو يعملو بعكسه بكونو اول ناس بخالفوه

كتير معاني بدها اعاده تعريف بحياتنا

ويسبر شو مصحيكي هسا

الازمة هاي هيه يا ويسبر انو الناس بطلت تفهم وصارت بس تقلد
واذا انتقد فا انتا غلط لانو انتا مختلف ... يعني مش عارف هل عشرين مليون تبعون التلفزيون لشو ؟؟؟
اذا عمستوى اغاني مافيه وبدي اقص ايدي اذا الاغنيه مكلفتلها اكتر من 4000 نيرة
مع الوك تبع المغني مع الجكيت الجلد وحركات الفوتوشوب عشان يبينو ضحكتو جميله

بتعرف انو مو لاقية تعريف للوطنية عنا
غريبة وطنيتنا
اللي اختلافاتنا فيها ما بتكون الا على القضايا الخارجية
و الاردن ما الو فيها
يعني اذا كنت واقف مع فلان فانت مو وطني لانو ما بتهمك مصلحة الوطن
اللي على اقل شعرة بتنقلب لعشائرية و اصلك من وين
ذكرتني باغنية اردن ارضالعزم
من زمان ما سمعتها ...........

=)
3omar el 3abdallat ramz el wataneyyeh sayer .. m3 enno at7afna b shaklet baklet!! alla la ye2ref 7ada .. lol
o met3eb el saggar ye5zi el 3ain !
saroo yfakro hek hommeh badda3o o jaboo el wataneyyeh mn jozoorha !!
walla daba7oona!! y3ni ma mn7ebesh hal balad ella eza rahajnalha o 3malnalha ya beragna el 3ali o el kalam kollo ta3na had !!
mneshtahy nshoof wa7ad dayer balo 3ala nadafet hal balad wella wa7ad bye7ki 3anha bel mnee7 wella 7ad bye7ki b 3'onneyyeh la hal balad kalam 3'er elli mnesma3o o mnzha2 menno !! yezhar enno el wataneeyyeh heyyeh ta3reefat bedarsoona yaha o bebasmoona yaha bel kotob o BS !!
=) nice post !!

jafra

المشكله فيه ناس بطلعو يحكولك انو الوطنيه والوطنيه واردني وفلسطيني وعشائرية وما عشائرية
عشان يعمل لحالو منظر ... وهاي الازمة الكل بفكر انو اذا لبس شماغ وشغل اغاني الجيش صار وطني ؟؟؟
ياعمي نحنا ماضي واحد ومستقبل واحد وازمات واحده يعني الوطنية عمل والتزام
يعني رئيس بلدية كبرى بالمملكه حرامي ومرتشي وبحكي يا جماعة انا حرامي ... وبحكي بالوطنيه
جفرا فيه تعريف للوطنية بس ما فيه فهم الو

Farah Batarneh

ايوه عمر العبدلات تامر حصتي تبعنا :)
بجد بقهرو انو بدهم يخلوه ايقونة ؟؟
طيب انا بحبش اغانيه ومش مستعد اشتري اشرطتو حقي بحبوش ... بحب هل بلد بس بكره المتنفيعين يعني بجد شو شكلة بكلت ... ولك غور من قدامي الحق مش عليك الحق علي انا الي فكرت اسمعك
فرح اسئلي اي شاعر بحكيلك القصيدة الوطنية من اكثر القصائد الي بتغلب الا عنا سبحان الله يوم بكون مالفها وملحنها وبسجل فيها
الله يسهل على مارسيل خلفية وماجدة الرومي وفيروز واميمة خليل ... بقدروش يتعلمو من ايقوناتنا الوطنية السرعه ؟

والله يا خيّ من زمان عنك
أي وطنيه هاي وطنيه تغني للشمال والجنوب ولكل محافظه شو هالحكي الفاضي والخضرا والصفرا والحمرا والكلمات المش مفهومه والصراخ والمشكله الصباح بتعكر بسببهم وبسبب صراخهم

للأسف انه احيانا بتتغير الوان الناس بتغير المواسم
الا من رحم ربي

والله يا ميسم انتو بتمروش ...
بطلت وطنية صارت بزنس يعني انو خلص الاجهزة الامنيه بسرعه قبل ما حدا يغنيلهم وعفكرة هدول الي بنسمعهم اصلح اغاني
تأسيس لنوع من التميز بس محدش مدرك


مجموعة حياة

الناس بوصلتها المصلحه صارت للاسف بطلت عندها مبادئ الا من رحم ربي

غير معرف يقول... 19 مايو 2013 5:22 م  

….وهلت سنوات التحولات لترحل اسرتي في يئر حرمان بلا قرار … .الحلقة الرابعة من سيرة ذاتية حدثت بالفعل .. .انتظر تشريفكم للاطلاع وابداء الرأي .رأيك يهمني كثيرا .. دامت أوقاتك مفعمة بالخير والبهاء .تحياتي

.انضم إلى eToro وقُد ثورة التكنولوجيا المالية

اكتشف eToro شبكة التداول الاجتماعي الرائدة في العالم حيث يحقق ملايين المستخدمين أرباحًا عن طريق نسخ تصرفات التداول التي يقوم بها أفضل المتداولين.

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

قائمة المدونات الإلكترونية