قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

قبل فترة ام الوسبر عملتلي تاج وانا طنشت بس هسا اجا عبالي اكتب " الكل كتب اجت علي انا يعني "

عشر شغلات عني

  1. كثير من الناس بحكو عني غامض " عفكرة بستمتع بكوني غامض " .
  2. عندي قدرة ممتازة على الاستماع وسحب الكلام الناس .
  3. قليل الكلام
  4. بحب العتمة بجد بعشقها وبحب الهدوء
  5. ذاكرتي ضعيفة على المستوى القصير وممتازة على المستوي البعيد
  6. كتيير من الناس بحسوني مستفز ومتكبر ومدعي " انا بحب احسس الناس هيك "
  7. اكتر كلمة سمعتها وبتخليني اضحك " بتعرف يا .... اني بكرهك , وبالغالب تقال بنوع من العصبية والحرقة " النقط هاي اسمي مش مسبة "
  8. انا بعطي انطباع انو انا شخص عدائي عبوس بضحكش للرغيف السخن " حكيت مع بنت مرة بالشغل كلمتين راحت تبكي لهسا مش عارف ليش "
  9. ماعندي بحياتي واختيارتي حلول وسط ابيض او اسود
  10. فضولي لدرجة الحشرية :D

15 التعليقات:

ليش حسيت انك مخابرات يعني كل هاي المواصفات فل ابشن مو صدفة
رح تتفوق بهالشغلة على فكرة
:)

كويس انك حليت الواجب
مساءك سعيد
و مستفز :)

عفكرة ... حليت الواجب متاخر برضو باجل كل اشي

صحابي بحكولي هيك برضو , خلص شوفيلي واسطه

والله بدري :)

10 اشياء و طلعت مكروه و مستفز و عدائي و عبوس :$ يلا الحمد لله ما عملتلك تاج ال 25 :)

الحمد لله على السلامه و ويلكم باك :)

شو اسوي هاظ اني , شو اسوي مستفز , تاني اشي ليش ما بتابعي تاجاتك ولا بس بتعملي تاج وبتبطلي تسئلي

إنت مش مخابرات، إنت -بشبه بساطة- .... شريييييييييييييييييييييييييير :]

طب و لويش عصبت، ليش متظايق ، looool

nice to know u more -I guess :S- and u r sO late btw

بتمنى تلاقي البنت العتمة اللي تحبك "باك" و تكون ثرثارة بعكسك

*حاسس إني زودتها! :]

تو بي هونست ... اه زودتها يا شيشاني ... شو بنت حلال ما بنت حلال انا بخلص من الي عندي بالبيت بتطلعلي انتا يازلمة ؟؟

تلاقي بنت الحلال الي تحبك ؟؟ ولك حسستني انو انا انسان يأس وفش ولا وحده مطلعة بوجهي
تاني شي انا بكره كثار الحكي ليش تتمنالي وحده ثرثارة ؟؟ صدقني يا صديقي انك شرير

طبعا شيشاني ومن وين الزرقا ... تلاقيك كمان ساكن بالزرقا جنب البلدية عند جامع الشيشان :D


بمزح معك يا صديقي لا زودتها ولا شي:D

أيوااااااااااااااااااااااااااااه، هيك أنا بديت أخاف! أنا فعلا ً ساكن هناك.
مقابل موقف سيارات البلدية بالضبط.
اسأل عن بيت السجن الكبير كل الحارة بتدلك ، لوول "باب العمارة كبييييير من أيام العثمانيين ولونه أزرق"

يا أهلا و سهلا فيك أي وقت "صحيح انا بالسعودية بس يا مرحب بيك "

بتمنى الأهل بالبيت ينقوا عليك كمان و كمان :] "آه يا عمي، هو إحنا لحالنا نتورط و تظلوا إنتو أحرار طلقاء! نو ووي خوسيه" :]]]

يا لطيف
و الغريب إنك مستمتع فيهم

شخصية مثيرة للإهتمام بالفعل
:)

@هيثم ... ولو يا زلمة بعرف المنطقة
منيح , يعني عشان انكسرت وضيعت حريتك ناوي تخرب بيتي كمان ؟؟ :
D
Palestinian Princess
وين الغريب بالموضوع ... بلعكس ما بشوف فيه غريب

صحيح نورتينا باول زيارة :D

مبروك التاج

اجابات جميله:)

مش عارفه ليه بس اشوف تعليقاتك بتزكر واحد من المحاجيب إسمه ( كات أند فيش)

بجوز مرحله الغموض هيه اكبر عامل


بي إس,, الفضول قتل القطه
وإنت قط
ف دييير بالك عمو

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

@um omar


كانت زمان استعمل اسمي الصريح ايام الرعيل الاول من المحاجيب
بعدين صرت من الرعيل الاوسط وتغيرت المركز القوي السياسيه بالمجتمع المحجوبي فا اتغيرت انا كمان وصرت قط البكتريا
:D

زمان ما دخلت العالم المحجوبي :D

بلا صغره, مين إنت بمحجوب
بعرفك هناك شي؟؟

لا انتي اصغرن مني ما بتعرفيني هناكا

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

حدث خطأ في هذه الأداة

قائمة المدونات الإلكترونية