قط البكتريا ... بكتريا للجميع

كائن ينتشر ويتكاثر ويؤثر ولا تراه بالعين المجردة

مش عارف شو هل غباء الي وصلنا الو ؟؟ بعرف كثثير حيعترضو على الوصف بس انا هيك شايف

يعني شخص هامشي بامريكا بدو ينشهر قرر يحرق القران عصبنا احنا وقلبنا الدنيا وطلعنا ونزلنا وهددنا

ومظاهرات شو النتيجه ؟؟

1- الي بدو يحرق القرأن تحول من نكرة الي شخص مشهور وكنيستو انشهرت وكسب اتباع جداد وصار الو

قيمة

2- أي شخص بدور عشهرة دولية سريعه صار يفكر يحرق القران

3- عشان نمنع حرق القران بامريكا اكتر من واحد حرق القران بالعالم

للاسف نحنا بنتصرف برد فعل اعمى ما بنشوف الي تحت اجرينا , صورنا حالنا انو أي واحد ممكن يستفزنا

اخص علينا

تاني شي موضوع التاج الثقافي الي شفتو بمدونات كتتير

الي عجبني انو الشبية ماشاء الله قارئين ( صحيح مو كتتير بس يعني فيه ) بس الي لاحظتو تشابة العناوين ؟؟

يعني ناس من اكتر من مكان بالوطن العربي نفس الكتب ؟؟ صدفة والا عشان هاي الكتب هيه النمبر ون ؟؟

للاسف انزلت للمكتبة ( لانو حبيت اشو فاشي جديد استفزوني جماعة التاجات ) مالقيت الا اسرار الزواج و50

نكته (زنخات كمان ) و500 مسج حب

الكتب اسعارها غاليه وما عليها دعم لانو مش اشي اساسي بلعكس الاساسي بالموضوع انو يضل الكل جاهل وامي

ثقافيا عشان ما يصير يفهم

( اتذكرت ايام ما كنت عايش بليبيا كان اتخن كتاب بدينار ليبي مدعوم زيو زي الخبز هسا مافي شي مدعوم )

9 التعليقات:

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

المبداء بالتصدي للقس وغيره وغيراته هيه نفس الحرب اللي بشنها علينا

يعني نتركه يروج ل حاله ولكنيسته بالإعلام وعادي,, أعمل ما بدالك
محنا نايمن

منيح اللي في حدن تحرك,, منيح اللي في حدن حس

ام عمر ...

فيه فرق بالتصدي والدعاية , انتا عملت دعاية لشخص ارعن , وشجعت اشخاص اخرين انو يسو زيو ...
بدك تقنعيني انو احنا هيك خوفنا الي بدو يحرق القران ؟
لا بلعكس شجعناه
الي بدو يحس ويتحرك بهل امة فيه كتير مواضيع ما حسو فيها
زي فيضانات باكستان ولا حدا اتحرك ولا كانو بشر المشردين والي عم يموتو

بالنسبة للاخرق تبع حرق القران انت حكيت و ووفيت
بالنسبة للتاجات الثقافية انا لاحظت انو في كتب كتير متشابهة متل المكتبة الخضراء و ثلاثية مستغانمي
طبعا لاسباب معروفة متل
المكتبة الخضراء شهيرة و قصصها عملوها افلام كرتون و كانوا في بعض الدول يوزعوها مجانا ( زماااااااااااااان )
ثلاثية احلام نالت شهرة من قبل قراءتها للجدل اللي صار عليها من بداية ذاكرة الجسد و بعد نجاح بتستحقوا برايي تابعوا الروايتين اللي بعدها
و اذا الخبز اللي هو الاساس ما بيندعم فكيف القراءة اللي بعتبروها رفاهية ببلادنا :)

بتذكر المكتبة الخضرا وهل قصص ابوي كان بلبنان وكان يجيبلنا معو مجلة سامر وبساط الريح وموسوعة الحيوان وهل قصص
و بتذكر مجلات المختار دايجيست والجيل والمستقبل والحوادث

تاني اشي ممكن انا كنت بنعمة ما حسيت فيها الا بس جيت الاردن
كنا بليبا نشتري افخم كتاب بدينار يعني بتذكر اغلي شي اشتريتو انا كان موسوعه عن السلاح 7 كتب اشتريت 6 بس 16 دينار ليبي ضل واحد مالقيتو بليبيا جيت اشتريه من الاردن 35 دينار لحالو

طب شو كان ممكن نساوي
نقعد نتفرج عبيل ما يخلص مشروعه الأرعن,, وبعدين نشجب ونستنكر كالعاده؟؟

مرات عدم القيام برد فعل احسن اجابة
ما تبيني انو ببساطه ممكن تستفز لانو هيك انتا بتفتحي عحالك باب .
زي ما قال الامام الشافعي

إذا نطق السفيه فلا تجبه فخير من إجابته السكوت

فإن كلمته فرجت عنـه وإن خليته كمداً يمـوت

ول ول ول ول
كل هالبوستات الجديده وانا ما بعرف

رحت الوم مدونتي بقيت اسمك مش موجود O_o
مين شطبه؟؟؟

المهم

"( صحيح مو كتتير بس يعني فيه )" مين قصدك بالزبط !!! فاهمتك انا

فعلا نادرا ماتلاقي كتاب منيح و بسعر معقول خصوصا اذا فايز بجائزة خلص راح نص الراتب

بالنسبه للقس.... انت كفيت و وفيت ما ضل حكي

اه ماشي .

مين شطبو ؟؟؟ ممم فيه 2 بشك فيهم انهم شطبو مدونتي من عندك

جوجل والبلوجر ,,, اما انو انتو شاطبيني حاشى وكلا بتاتا


لا ما بقصد حد بقصد انو ما فيه عناوين بالمكاتب ... وبجد اذا لقيتي كتاب مميز بكون غالي يعني اذا بدك تشتري 3 اربع كتب بالشهر بدك تنهد ماليا

About this blog

لماذا بكتيريا!!!
لان البكتيريا كائن موجود ... نعلم بوجوده يؤثر بنا ولكن لا نراه

المتابعون

حدث خطأ في هذه الأداة

قائمة المدونات الإلكترونية